Croeso i'n gwefan ble y gallwch ddysgu am waith Gwynedd Gynaladwy, darllan ein hanes a'n cefndir fel mudiad a dysgu am ein newyddion diweddaraf. Cofiwch hefyd gysylltu gyda ni ar Facebook.

Yn gryno, ein bwriad yw hyrwyddo dewisiadau cynaladwy yng Ngwynedd. Dyma'n Datganiad Cynaladwyedd:-

Ein nod yw hyrwyddo egwyddorion cynaladwyedd yng Ngwynedd fel a ganlyn:

Byw fel bod anghenion pobl, yn cynnwys anghenion cenedlaethau'r dyfodol, yn cael eu cyfarfod yn deg heb ddefnyddio mwy na all y planed a'i bioamrywiaeth ei gynnal.

Mae hyn yn golygu:

• lleihau disbyddiad adnoddau anadnewyddadwy yma a thu hwnt
• osgoi peryglu diwylliannau a chymunedau
• gwarchod rhyddid diwylliannol a deallusol
• hyrwyddo cymdeithas mwy cyfiawn (teg), yn lleol ac yn fyd-eang
• rhoi grym i bobl gymryd rhan mewn gwneud penderfyniadau sy’n effeithio ar eu bywydau a’u  cymunedau
• sicrhau na fydd unrhyw lygredd a gynhyrchir gennym yn effeithio ar ardaloedd eraill
• osgoi gwastraff a thrin unrhyw wastraff a grëir fel adnodd
• gwarchod bioamrywiaeth
• creu economi lleol ffyniannus, gan ystyried swm ac ansawdd
• gwella’r ddealltwriaeth o gynaladwyedd o fewn SGG a ledled Gwynedd
• gweithio gydag adnoddau, diwylliant a threftadaeth unigryw Gwynedd
• annog syniadau newydd sy’n briodol ar gyfer y cyd-destun lleol
• hyrwyddo lleihau treuliant
• cefnogi dymuniad pobl i fyw lle’u magwyd
• cefnogi gallu pobl i symud yn rhwydd
• prynu nwyddau a gwasanaethau lleol
• gwerthfawrogi bod ansawdd bywyd yn bwysicach na ‘safon byw’